மஹாராஷ்டிராவில் கரும்பூஞ்சையினால் 729 பேர் உயிரிழப்பு !!

மஹாராஷ்டிராவில் கரும்பூஞ்சை நோய்க்கு 729 பேர் உயிரிழந்து உள்ளதாக அந்த மாநில சுகாதாரத் துறை தெரிவித்து உள்ளது.

கோவிட் பெருந்தொற்றின் 2வது அலையில் நோய்த் தொற்றிலிருந்து மீண்டவர்களை ‘மியூகோர்மைகோசிஸ்’ என்ற கரும்பூஞ்சை பாதிக்கிறது. கோவிட் முதல் அலையில் இல்லாத கரும்பூஞ்சை, 2வது அலையில் அதிகளவில் பாதிப்பை உண்டாக்குகிறது.

மஹாராஷ்டிரா சுகாதாரத் துறை இன்று (ஜூன் 21) வெளியிட்டுள்ள செய்திக்குறிப்பு:
மஹாராஷ்டிராவில் ஜூன் 19ம் தேதி காலை 11:00 மணி வரை, மொத்தம் 7,998 பேர் கரும்பூஞ்சையால் பாதிக்கப்பட்டு உள்ளனர்; அதில், 729 பேர் பலியாகி உள்ளனர். தற்போது 4,398 பேர் சிகிச்சையில் உள்ளனர்.

மஹாராஷ்டிராவில் அதிகபட்சமாக நாக்பூர் மாவட்டத்தில் 104 பேரும், புனேவில் 90 பேரும், ஒவுரங்காபாத்தில் 75 பேரும் கரும்பூஞ்சைக்கு உயிரிழந்து உள்ளனர். இவ்வாறு அதில் தெரிவிக்கப்பட்டு உள்ளது.