அயோத்தி ‘ராம ஜென்மபூமி’ இயக்கத்தைப் போலவே, மதுராவில் ‘கிருஷ்ண ஜென்மபூமி’ இயக்கமும் தொடங்கப்பட வேண்டும் என்று கோரிக்கை விடுத்த இந்து ஆர்மி எனும் அமைப்பின் 22 உறுப்பினர்கள் ஞாயிறு இரவு கைது செய்யப்பட்டுள்ளனர்.

மதுராவில் உள்ள கிருஷ்ணர் கோயில் வளாகத்தை ஒட்டி அமைந்துள்ள ஷாஹி இட்கா மசூதி இடிக்கப்பட வேண்டும் என்று சில சங்கப் பரிவார அமைப்புகள் நீண்ட காலமாக கோரிக்கை விடுத்து வருகின்றன.

கிருஷ்ண ஜென்மபூமி இயக்கம் தொடங்க வேண்டும் எனும் கோரிக்கையை வலியுறுத்தி மதுரா நகரம் முழுவதும் பதாகைகள் ஒட்டிய இந்து ஆர்மி அமைப்பு இந்துத்துவ ஆதரவாளர்கள் அனைவரும் திங்கள் காலை 11 மணிக்கு அந்த இடத்தில் கூட வேண்டும் என்று கோரிக்கை விடுத்திருந்தது.

அயோத்தி பாபர் மசூதி இடிப்பின் 4 முக்கிய இந்துத்துவ முகங்கள்
அயோத்தி முதல் இஸ்தான்புல் வரை: மத வழிபாட்டுத் தலங்களின் அரசியல்
கிருஷ்ண ஜென்மபூமி இயக்கம் தொடங்கப்பட்டால், 2022ஆம் ஆண்டு உத்தரப்பிரதேசத்தில் நடக்க உள்ள சட்டமன்ற தேர்தலில் பாரதிய ஜனதா கட்சிக்கு சாதகமாக அமையும்.