தமிழகத்தை என்றும் ஆள வேண்டும்: சசிகலா

அதிமுக தான் தமிழகத்தை என்றுமே ஆள வேண்டும் என்று கட்சியின் பொதுச்செயலாளரான சசிகலா தெரிவித்துள்ளார்.

கூவத்தூரில் நட்சத்திர விடுதியில் எம்.எல்.ஏக்களுடன் தங்கியிருந்த சசிகலா நேற்று இரவு அங்கிருந்து புறப்பட்டு போயஸ் கார்டனுக்கு வந்தார். அப்போது தனது ஆதரவாளர்கள் மத்தியில் செய்தியாளர்களுக்கு பேட்டி அளித்தார். அதில் கூறியிருப்பதாவது: அதிமுக தான் தமிழகத்தை என்றுமே ஆள வேண்டும். நம்மை யாரும் எதுவும் செய்ய முடியாது.

என் இதயத்தில் குடிகொண்டிருக்கும் அதிமுகை யாராலும் பிரிக்க முடியாது. மக்கள் நலனில் அக்கறை செலுத்தி அதிமுகவின் பயணத்தை தொடர வேண்டும் என்று சசிகலா வேண்டுகோள் விடுத்தார். அதுமட்டுமில்லாமல் நான் எங்கிருந்தாலும், கட்சிப் பணிகளையும், உங்களையும் தான் எப்போதும் கேட்டுக்கொண்டே இருப்பேன் என்று கூறினார்.