சிதம்பரம் நீதிமன்ற காவல் அக்.,3 வரை நீட்டிப்பு

ஐ.என்.எக்ஸ்., மீடியா மோசடி வழக்கில், முன்னாள் மத்திய நிதியமைச்சர் சிதம்பரத்தின் நீதிமன்ற காவல், அக்.,3 வரை நீட்டிக்கப்பட்டது.

ஐ.என்.எக்ஸ்., மீடியா மோசடி வழக்கில், முன்னாள் மத்திய நிதியமைச்சர் சிதம்பரத்தை சிபிஐ அதிகாரிகள் கைது செய்தனர். அவரிடம் விசாரணை நடத்திய பின்னர், கோர்ட் உத்தரவுப்படி, 14 நாள் நீதிமன்ற காவலில் திஹார் சிறையில் அடைத்தனர். அவரது நீதிமன்ற காவல் இன்று(செப்., 19) முடிவடைந்தது.

இதனையடுத்து, டில்லி சிபிஐ கோர்ட்டில் சிதம்பரம் ஆஜர்படுத்தப்பட்டார். அவரது நீதிமன்ற காவலை நீட்டிக்க வேண்டும் என சிபிஐ தரப்பில் கோரிக்கை விடுக்கப்பட்டது. இதனை ஏற்று, சிதம்பரத்தின் நீதிமன்ற காவலை அக்., 3 வரை நீட்டித்து நீதிபதி உத்தரவிட்டார்.