Go to ...
Canada Uthayan Tamil Weekly
* பாலியல் வழக்கில் சாமியார் ஆசாராமுக்கு ஆயுள் தண்டனை    * வங்கதேசம் - இந்தியா பஸ் போக்குவரத்து    * கர்நாடக சட்டமன்ற தேர்தல் : பாஜக வேட்பாளர்களை ஆதரித்து பிரதமர் மோடி பிரசாரம்    * சீனாவில் சாலை விதிகளை மீறினால் தண்ணீர் அடி கிடைக்கும்
Canada Uthayan on YouTubeCanada Uthayan on LinkedInCanada Uthayan on PinterestRSS Feed

Thursday, April 26, 2018

அடுத்த ஜனாதிபதிதேர்தலில் போட்டியிடும் வகையில்அமெரிக்ககுடியுரிமையைக் கைவிடுவேன் என்கிறார்முன்னாள் பாதுகாப்புச் செயலர் கோத்தாபய


2020 இல் இடம் பெறவிருக்கும் ஜனாதிபதி தேர்தலில் போட்டியிடுவதற்குத் தயார் என்றும்,அதற்காக அமெரிக்க குடியுரிமையைக் கைவிடுவேன் என்றும் முன்னாள் பாது­காப்புச் செயலர் கோத்தாபய ராஜபக்சா தெரிவித்துள்ளார். ஆங்­கில ஊடகம் ஒன்­றுக்கு அளித்துள்ள செவ்வியிலேயே அவர் இதனைத் தெரி­வித்­துள்ளார். அதில் அவர் மேலும் தெரிவித்துள்ளதாவது,

கேள்வி: ஜனாதிபதி வேட்பாளராக நீங்கள் தெரிவு செய்யப்படவுள்ளதாக பேசப்படுகிறது. ஜனாதிபதி வேட்பாளராகப் போட்டியிடுவதுபற்றி யாரேனும் உங்களை அணுகினார்களா?
பதில்: இல்லை. ஆனால்,பேசப்படுகி­றது. அது­பற்றி முடிவு செய்­வ­தற்கு இன்னமும் ஒன்றரை ஆண்டுகள் இருக்கின்­றன என்றுநான் நினைக்கிறேன். அது முன்னாள் ­ஜனாதிபதி மஹிந்த ராஜபகக்சாவைப் பொறுத்த விடயம். மிகச்சிறந்த வேட்பாளர் யார் என்று அவரே முடிவு செய்வார். வெற்றி பெறக்கூடிய- பொருத்தமான வேட்பாளர் யார் என்பது அவருக்குத் தெரியும்.

கேள்வி: தற்­போ­தைய சூழ்­நி­லையில்,அந்த வகி­பாகம் குறித்து என்ன நினைக்­கி­றீர்கள்?
பதில்: முன்னாள் ஜனா­தி­பதி மஹிந்த ராஜ­பக்­ஷவை விட, வேட்­பா­ள­ரா­வ­தற்கு பொருத்­த­மா­னவர் வேறு எவரும் இல்லை. மக்கள் ஆத­ர­வையும்,பிர­ப­லத்­தையும்,தற்போ­தைய சூழ்­நி­லையில் தேவைப்­படும் தலை­மைத்­து­வத்தை வழங்கக் கூடிய ஆற்­ற­லையும் கொண்­டுள்­ளவர் அவர்; அனு­பவம் மிக்­கவர்.19 ஆவது அர­சி­ய­ல­மைப்பு திருத்­தச்­சட்­டத்­தினால், துர­திர்ஷ்­ட­வ­ச­மாக, அவர் ஜனா­தி­பதி வேட்­பா­ள­ராக போட்­டி­யிட முடி­யாது. அவ­ரது ஆத­ரவைப் பெற்ற எவ­ரேனும் ஒரு­வரால்தான் வெற்றி பெறமுடியும்.

கேள்வி: உங்­களை வேட்­பா­ள­ராகத் தெரிவு செய்தால், அந்தச் சவாலை எதிர்­கொள்­வ­தற்கு, நீங்கள் தயாரா?
பதில்: அவர் அவ்­வாறு நினைத்தால், நான் போட்­டி­யி­டுவேன். அதற்­காக முன்­வ­ருவேன். போட்­டி­யி­டு­வ­தற்­கான ஆற்றல் எனக்கு இருப்­ப­தாக நான் நினைக்­கிறேன்.

கேள்வி: அமெ­ரிக்குடி­யு­ரி­மையைக் கொண்­டுள்­ளதால், இரட்டைக் குடி­யு­ரிமை உங்­க­ளுக்குத் தடை­யாக இருக்­கி­றது. இதனை எப்­படி தீர்க்கப் போகி­றீர்­கள்?
பதில்: 19 ஆவது திருத்தச் சட்­டத்­தினால் இப்­போது என்னால் போட்­டி­யிட முடி­யாது. இருந்­தாலும்,முன்னாள் ஜனா­தி­பதி என்னை வேட்பாளராகத் தெரிவு செய்தால், இரட்டைக் குடியுரிமையை கைவிடும் செயல்முறைக்கு செல்ல வேண்டும்.
கேள்வி: அதற்கான செயல் முறைகள் என்ன?பதில்: அதுஎன்னைப் பொறுத்தவிடயம். அதற்கான செயல்முறை உள்ளது. அது தெளிவான- குறுகிய நடைமுறைதான் என்றார்.

Leave a Reply

Your email address will not be published. Required fields are marked *

About netultim2